طب ليه
كده !؟
مش كنت قبله
سألتني
ليه البعاد م
المبتدا
وليه عيونِك
غمضت
عن حلمي
والأشواق كده
وسمعت مني حجتي
ياقبلتها ..
يارفضتها
وساعتها تبدأ
بالخصام
مش تبتدي صدّك قوام
وتقول حرام
زعلان أنا
مزَّعت شريان
الوداد
راح فين سؤالك
ع الغياب
أو تنتظر مني
الجواب
طب هو ده
طبع الغرام
ولَّا طباعك
في العناد
............
افهم بقى!!!
الحب مش ...
احساس سطا
الحب أخد
وفيه عطا
الحب قلبين في
الغرام
بقوا قلب واحد
بالتمام
نبضة حنانه
نبضتين
والهمسة بينهم
ع الدوام
الحب لمسة
بالإيدين
تنقل مشاعر
أورده
ومعاها نظرة
بالعينين
بتدوب مع
الأحلام كده
سهم الغرام بين
الضلوع
قاعد مربع حضرته
وقلوبنا ليه مركب خضوع
ماسك بإيده
دفِّته
يايعيش ف
أوهامه حزين
يا الفرحه تملا
دنيته
والحب قدَّام
لتهام
أكيد خسارة
قضيته
نار السهاد
والإشتياق
تبقى نصيبه وآخرته
..........
منى الغريب
ليست هناك تعليقات:
إرسال تعليق