نايم على جنبه اليمين
وتحت راسه مخدتي
علشان اقابله في المنام
ويشوف بعينه ضحكتي
ماسك بإيده منديلين
قال ايه هيمسح
دمعتي
عشمان اصالحه بنظرتين
واسحب معاهم شكوتي
فاكر هاسامحه بكلمتين
وافتح له أبواب جنتي
وعوده كانت في الغرام
كلام وقاله لحضرتي
قاضي القلوب احتار معاه
ولا يوم حكم ف قضيتي
قلبي خلاص ملّ ف هواه
وارتحت بعده ف وحدتي
خلص الكلام وقت الخصام
نزلت ستاير قصتي
ينام على الجنب الشمال
ينام على الجنب اليمين
أنا مش هااروحله في المنام
ماهي سكِّته غير سكِّتي
.............
منى الغريب
ليست هناك تعليقات:
إرسال تعليق