جديد

21‏/07‏/2015

نسمة شوق




أنا وانت
ونجمة في السما بعيدة
ونسمة شوق
ولمسة إيد وتنهيدة
يلم هوانا ف قلوبنا
بساط الحب والأشواق
ولا يسمحش بالهجران
ولا يمشي علينا فراق
وبين الهمسة والهمسة
حنين مشتاق
وبين اللمسة واللمسة
تدوب أوراق
حروف الشوق تشعللها
ويمحي الوجد ف سطورها
ونهرب مننا لينا
تسيل الدمعه ف عنينا
نعيد من تاني حكاوينا
وتسمعنا
نجوم واقفة بتحضننا
قمر تايه في افكارنا
لحد مايلتقي له بر
عشان اشواقه من شوقنا
وأنا وانت
ونجمه في السما بعيدة
تطل علينا وتسلم
بنسمة شوق وتنهيده
حنين ف القلب يتكلم
مايخلص م الهوى كلامنا
وأحلامنا تزور رمشينا وتهدِّي
وتتمايل وتتحايل
مابينا لجل ما تعدِّي
هلال يظهر ف ليل وجدي
وتطرح بينا ليلة عيد
..........
منى الغريب




ليست هناك تعليقات:

إرسال تعليق