ومستنِّي
يطبطب فوق كتاف حزني
يداري الدمع من عيني
يمد إيديه يطمنِّي
يكون جنبي ف مشواري
يكون داري
يكون وطني
ويفرش قلبه سجاده
على القمرايا فوق مِني
اقول الآه مابين ضلعه
ودقة قلبه تسكنني
وكنا زمان
بناكل من طبق واحد
ونقسم من رغيف واحد
وسجدتنا لإله واحد
وليه بعد اللي كان بينا
تمد الإيد وتقتلني
وليه تخنق ف أفراحي
وليه بتشلّ ف جناحي
وليه في الذنب تسجننِّي
ده ربك قال تكونوا اخوات
تشد الإيد تقويني
ويوم فرحي تهنيني
واكون جنبك حدا الأزمات
أنا وأنت جسد واحد
صحيح قلبين لكن واحد
وسجدتنا لإله واحد
................
منى الغريب
ليست هناك تعليقات:
إرسال تعليق