تعالى نعِيد من الأول
نلمّ جراح خطاوينا
نحاول ننسى أحزاننا
نطبطب فوقها بإيدينا
ولو فوق الخدود دمعي
مايمسح دمعتي غيرك
براح صدرك لأسراري
ودارك بابه من داري
وخيري من ربوع خيرك
ونظرة بكرة ف عينينا
...............
تعالى نعيد من الأول
ونتكلم ..ونتعلم
من اللي فات
ونفتح طاقة الذكرى
ونتشارك .. ونتعارك
وآخر اليوم
نعود إخوات
تعالى نلمّ في شتاتنا
ولو فاتنا
سنين وايام
هايرجع بالأمل بكرة
ولو تسأل عن امبارح
خلاص ننساه
لإنه مات
لكين لو حد جه
بينا
وحاول يوم يفرقنا
يلاقينا أسود واقفين
ف وقت الشدة والأزمات
.............
منى الغريب
ليست هناك تعليقات:
إرسال تعليق