جربت ف مرة
تطول الشمس
طب قوم كسّر
جناحات اليأس
قوم جرب
تحضن أحلامك
بين رمشين
أو بين حرفين
وكلامهم همس
جرب لو محتاج إثبات
إن هموم الفكر
ساعات
تقتل مِساحات
قلبك لو حس
جرب تختار
بين حلم كفيف
أو قلب يضيف
مش ياخد بس
جربت تشوف
أوهام الخوف
بتنام ف عنيك
أو بين شعاعين
من ضي الشمس
جربت تعيش
من غير شريان
بيمد القلب
بشوق وحنان
ومعاه إيمان
ف وريد يتحس
.........
منى الغريب
ليست هناك تعليقات:
إرسال تعليق