كل مااشوفك.. قلبي
يدق يدق بجد
يدق يدق بجد
كل ماعيني ...تقابل عينك
تطرح ورد
كل ماايدي... بتلمس ايدك
تحلف وعد
وييجي الرد
إني .....باحبِّك
تُمْلُكي قلبي
واملُك قلبك
وان الروح بتهون علشانك
مهما هاتبعد سما أحلامنا
مهما يغيب قُدَّامنا كلامنا
نرجع تاني
نغزل تُوب الحب أماني
يرجع كَفَّك
برضو يطبطب
فوق أحزاني
يرجع حِلمَك
ياخد حلمي مابين دراعاته
ينسى أهاته
أه من قلبك
لمَّا بيحضن شوقي ويفرح
لما بتخرج بسمة وشِّي
ويبات رِمْشي .....مابين أجفانَك
كنت باشوفك بين أحلامي
هَنَا أيامي
قلت هاأغمض عِيني
وأفكر واسأل نفسي
ممكن تقدر .... تنسى غرامي ؟
رد الحلم الصاحي بقلبي
:هوه قصادي
إيده ف إيدي
مهما هايحصل
نبضَك جوه ف قلب وريدي
يا هَنَا أيامي
ونور أحلامي
ياللي باشُوفك هنا قُدَّامِي
مهما أغمض عيني وأفتح
شايف قلبك مرج غرامي
*****************
نور الحرف
منى
لا لا لا أنت قصه كبيرة جدا ...تحتاجين لوقفه وقراءه متأنيه ...أنت مبدعه متميزة ..أنت حكايه
ردحذف