من كام سنه....
وإنت وأنا...
بينَّا يابحر ...
مِيت حكايه
موجك يابحر...
بيرتمي...
على شط قلبي...
وهي دي كانت بدايه
من كام سنه...
باغسل...
في جوفك دمعتي
واحكي لموجك..
قصتي..
وماانتاش معايا
من كام سنة...
قلبي وأنا...
بينا بحور...
لا الفرح ساكن جنته
ولا فيها نور
من كام سنه...
باهمس ..
ف ودنك صرختي
وتموت..
ف قلبك ضحكتي
يتبعتر الحرف ..
ف خطايا
من كام سنه
كل أمَّا يملاني
الحنين يابحر
بالقاني هناك
مابين الشط
والموجه..
وقلبي معاك
تعرف يا بحر...
وانا بأرمى أحزانى
فى حضنك
بالتقى...
كل أحزانك معايا
نور الحرف
منى
ليست هناك تعليقات:
إرسال تعليق