مش هااموت
لو ألف صوت ..
اتجمَّعوا ف قلب السكوت
لوالقمر غاب م السما
سافر لأبعد كون
لو العيون صاحية.... مابتنامشي
أو الكلام مخنوق
لو السكون ف قلب الليل
ما يعرفشي
طعم الهدوء
لو القلوب تنده
تصحِّي الشوق
مش هااموت
لو كتير م الناس
لاموني
وعن قلبي
بَعدوني وسجنوني
و ألف قيد
في الإيد
والصراخ ممنوع
ده
القلب بين الضلوع
عايش مابيموتشي
وان يوم ضلام الخوف
عشِّش على وشي
وداق رمشي
أحزان كل الدموع
لابد من ضلمتي
راح يتولد فجري
ومن سبات وحدتي
هاتهلّ يا بدري
وابدأ معاك صومي
ماهو أصل صومي جديد
والقلب صبره طال
وأكيد هاييجي العيد
نفرح معاه ف الحال
****
نور الحرف
نور الحرف
منى
ليست هناك تعليقات:
إرسال تعليق