طمني قلبِك..لسه باحبِّك..!!
زيّ مااكون
باستنى الكلمة
اللي هاتحييني
فِكرك
لما تقولها هايرجع
نبض القلب
مابين شراييني
فِكرك
لما يجف القلب
بقسوه طبعك
راح تلاقيني
فِكرك
كلمة حب تقولها
تطمن قلبي
وتمسح دمعه
بتجرح عيني
وان سهام الشوق
في رموشك
نظره عين ترميها
تجيني
طمني قلبِك...لسه باحبِّك..!!
بعد سنين البعد... معاها
باستناها
تبقى بتحلم....!!
قلبي اتغير....أيوه اتغير
طفَّا شموع الوجد...
رماها
زلزل كل حنايا القلب
وخرَّج حبك
من جوَّاها
طهَّر قلبي من أحزاني
وقسوه قلبك
كات سايباها
نبِّت فرحي
وداوى الجرح
وقلبي ونبضه
وكل جوارحي
خلاص مالكاها
نور الحرف
منى
ليست هناك تعليقات:
إرسال تعليق