نفسي
نفسي أسكن فوق سحابة
ويا القمر
أصاحب الليل والسهر
ألاقى خد السما براح
والاقي روحي طابت م الجراح
وقلب السما
نسمة ومتنغمة
نفسي
أكون عصفور صغير
أفرد جناحاتى وأطير
لأبعد من السما
أبعد من السحاب القطن الابيض
أونفسي أكون أميرة
وعلى البعد الأمير
وعلى البعد الأمير
أو ست الحسن جايز
ف قلب الشاطر حسن
نفسي
أعبر دروب المستحيل
وأهرب من الحزن الطويل
نفسي أحسّ بقلبي مرة
أنه أكبر من قلوب العاشقين
أو بالحنين
يدفي برده
يطفي نار قادت سنين
نفسي كل لحظة جاية
أو غنايا يسمعه قلبي الصغير
شوقه يكبر ويكبر
لما يملا عيونى بأحلى ضحكة
لما يلقى سنابل قلبي طارحة
نفسي
أنسى نفسي
أنسي يأسي
نفسي أعيش
عصفور مهاجر
أبني عشي فوق أغصان الشجر
أصاحب الليل والقمر
وأقدر أعلم البشر
إن اللى يتمناه قلوبنا
نحققه لكن لا نعاند
ولا نقف ضد القدر
***
نور الحرف
منى
ليست هناك تعليقات:
إرسال تعليق