بكلِّمِك واسمعينى
يابلدنا وافْهمينى
من زمان حبك فى قلبى
وف دمايا وشرايينى
جوة روحى وف كيانى
فى الخلايا وننِّى عينى
إسمعينى لما أقولك
قصدى أفضفض والسلام
عشت فيكى العمر كله
بس ممنوع م الكلام
خايف أنطق ولا أعَلَّق
ولاَّ أحلم لمَّا أنام
أو أعارض
ولا أناهض ظلم
وأعمل إعتصام
خايف أنطق لك بَحِبْك
أبقى خارج ع النظام
ولاّ أتشدّ إشتباه
وأتسجن أنا والكلام
&&&
نفسى أعيش
يابلدنا بالكرامة
نفسى أعيش
وأما أتنفس هواكى
من جوة قلبى
ماتخرجيش
م النهاردة ياننى عينى
ولادك صاروا وحوش
راح ينادوا بكل حقك
أى حق مايسيبوش
راح يفكوا كل قِيد
م النهاردة يابلدنا
اتحررت فينا العبيد
وألف إيد راح تحوش
الغيامة والكِمَامَة
م الوشوش
&&&
إنطقى ياكل حبة رمل
ف أرضنا
وماتسكتيش
عاوزة تصرخ لك
تقول لك
ياحبيبتى ماتخافيش
وأرفعى راسك
ياحرة .. لِفوق.. لِفوق
وإكبرى ولا تصغريش
&&&
نور الحرف
منى
ليست هناك تعليقات:
إرسال تعليق