يارب كلِّى ذنوب
هرْبَانة م المكتوب
جيتك وبدِّى أتوب
يارب و إقبلنى
......
أنا مالينى الخوف
وفى الذنوب ملفوف
ومن لقاك مكسوف
يارب إرحمنى
......
أنا ماليَّا سواك
طمعانة فى رُحْماك
شايفنى مش شايفاك
ماف مرة تظلمنى
......
يارب أنا عاصى
وم الذنوب كاسى
جسمى ومش ناسى
يارب خلَّصْنى
......
من قلبى حيرانة
ومن ذنبى خجلانة
ودموعى سهرانة
والذنب ..آااه . ذنبى
......
قلبى إتسحب مِنى
وكان السبب إنى
نَفْسِى خدعتْنِى
حوش نَفْسِى عنِّى
.....
أنا جيت ماليش
غيرك ترحمنى
وبخيرك تعطف
على قلبى
يارب طمْنِّى
......
أنا بين
إيدين رحمتك
طمعانة
فى قُدْرِتك
ترحمنى
وبعزِّتك
ذنبى يفارقنى
......
نور الحرف
منى
ليست هناك تعليقات:
إرسال تعليق