قول واتكلم يابن العمّ
خلىِّ فى عينه حصوة ملح
شوية دمّ
خلىِّ ليله يبقى نهار
لما يشوف أولاد ثوار
اللى بيفهم وإللى بيحلم
واللى ف مخُّه وعى وفهمّ
قول واتكلم يابن العمّ
علىِّ الصوت
علىِّ كمان
لما بيوصل كل مكان
وبيسمعنا كل جعان
أو طهقان
أو تعبان من شيل الهمّ
قول واتكلم آه ماتخافشّ
مش راح نسكت ولا ها نكشّ
مش راح نرضى الظلم كمان
أو نستحمل زى زمان
كلمة تدوى فى كل أوان
يلا فارقنا خلاص ماتباتشّ
لو هاناكلها حتى بمشّ
****
نور الحرف
منى
ليست هناك تعليقات:
إرسال تعليق