بتحبِّنى
طب ماانا برضُه
قلبى غيََّر من عوايدُه
دخلت فيه وغصْب عنى
نبضك اتشبَّع بنبْضُه
بتحبنى
وهقول لك إيه
فى قلب قلبى
إللى إنت فيه
قاعدومتربَّع عليه
من غير كلام ولا سلام
تُحْكُم وتِتِأَمَّرعليه
****
بتحبنى
وخلاص كفاية
صبحت شريانى ودمايا
إنت قلبى
إللى ف جوارحى
وإنت عينى
إللى ف رؤايا
بتحبنى
وياريت ماتنسى
دل قلبى عليك
بهمسة
وأما تدخل
جنته
يحضنك وف إيده
لمــــــسة
***
بتحبنى
وبعدك دبحنى
جوه ننى العين
جرحنى
مهما ألومك أو أعاتبك
ذنبى ده
ومش هايسامحنى
***
بتحبنى
وياريت ماتنسى
ترضى قلبى عليك
بيقسى
تكلمه ماتكلمه
مش هاتاخد منه همسة
***
بتحبنى
آاه من جوايا
شئ بيكبركده ويايا
ومن ألم المخاض والخوف
اتولد إحساسه معايا
***
بتحبنى
ومعاك كيانى
حب متفصَّل عشانى
أحبك إنت
وأعيشك إنت
مهما يتبدل زمانى
***
نور الحرف
ليست هناك تعليقات:
إرسال تعليق