أفسر لك..
ماهو الحب متْفَسَّر
سهر بالليل
وقلب يحب
مش أكتر
تهون العين
عشانه سنين
وأنا فى الشوق مابَتْغَيَّر
***
أفسر لك .. أفسر إيه ..؟
وهو العشق فيه لياليه
سهر وسهاد وشوق
على شوق
يدوب القلب م إللى فيه
**
أفسر لك
بكل دقة من قلبى
وكل نظرة من عينى
ياسامع صوتى
وْبِرقَة كمان
داخل فى تكوينى
ولمسة شوق
بلاقيها ِتنَوَّر
عمرى وسنينى
**
وأفسر لك
أفسر إيه ؟
ده أنا شوقى
يدور حواليك
وروحى وقلبى
دايبين فيك
أعدى بحور
فلك بيدور
وقلب غيور
بيستنى
الشروق ف عينيك
**
أفسر لك
ماهو الحب متفسر
على جبينا ومتقدر
عذابه ويل
سهارى الليل
ويجى الصبح نستبشر
ماهو الحب متفسر ومتقدر
***
نور الحرف
نص جميل في لهجته الدارجة وفي صياغته وفي التنغيم الذي أطربتني في نهاية كل شطر وكذا في مانيه القريبة والتي هي في متناول المتلقي لله درّك أسجل أعجابي بقلمك الفذ وتقبلي جلّ مودتي
ردحذفالكاتب والناقد / يحيى جحلان